Jindgi - Samay badle, Log badle...

Kisi ne jeena sikhaya, kisi ne Hasna sikhaya... Kahi jana ki rishto ke mayne hote Hain, Kahi jana ki mayne paiso se badlte hain... Kuch ne sikhaya jeena sirf - khud ke liye, Kuch ne bataya ahmiyat jindgi ki - gairo ke liye... Kahi humne har modh pr dhokhe khaye, Toh kahi kisi ne gale lagakar har raste dikhaye... Is jeevan ke gyan ganga me - har kisi ne apna rung khub dikhaya, Paath kuch aisa padha gya waqt humein - jise koi guru kabhi padha na paya... Dhikkara kisi ne, dulara kisi ne, Logo ke is ajib mele me, diya sahara kisi ne... Kahi raste me kaante mile, kahi kisi ne kaalin bichhaya, Kadam badhaya jo humne - Dard v mile, manzeel v mili aur sukun v aaya... Kisi Ko chahat thi hume rulane ki, pr hume aadat hai mushkurane ki, Apsos unhe bhi hua apni chahat pe, jb humne unse bhi dosti ki... Kahi Giraya kisi ne, kahi uthaya kisi ne, Toot ta dekh hume, Sambhalna sikhaya kisi ne... Kahi peeta gya, kahi dhup me jalaya gya Mitti tha main, savaarna bhi jaruri tha, Mujhse hi toh Taj Mahal banaya gya... Mujhse hi toh Taj Mahal banaya gya... . . Abhineet 31.12.2017